O número de contaxios por coronavirus segue medrando en Ferrol, pero faino a un ritmo máis lento que na pasada semana. O último parte oficial remitido polo Sergas a través da Dirección Xeral de Saúde Pública indica que o crecemento dende onte foi de 24 novos positivos, deixando a cifra total de infectados en 234 en Ferrol, Eume e Ortegal. Isto supón un incremento dun 11% dos casos, fronte aos crecemento de máis dun 20% (ata dun 133%) que se rexistraron nas pasadas semanas.
Esta ralentización dos novos positivos tamén ven acompañada dun crecemento nas altas hospitalarias, das que xa se rexistraron 14 dende o inicio da crise. Dos actuais casos activos, 192 atópanse nos seus domicilio con síntomas leves e 51 nos hospitais de Ferrol. Destes, 14 revisten maior gravidade e están en coidados intesivos e os outro 37 están ingresados no Marcide, no Naval e no Juan Cardona.
