O Servizo Galego de Saúde informou a última hora desta tarde do falecemento dunha persoa na área sanitaria de Ferrol diagnosticada con Covid-19. Trátase dun home de 92 anos que se atopaba ingresado no CHUF contaxiado con coronavirus e que padecía outras patoloxias previas.
Con este falecemento, son xa 32 as vítimas mortais nas comarcas de Ferrol, Eume e Ortegal desde o inicio da crise entre as que morreron nos centros da terceira idade (3) e nos hospitais (29).
