A área sanitaria de Ferrol vén experimentando nas últimas tres semanas unhas cifras significativamente positivas respecto do número de contaxios por Covid e esa tendencia viuse refrendada hoxe cun descenso de persoas no número de casos activos. Según os datos aportados pola Dirección Xeral de Saúde Pública, a área sanitaria conta actualmente con 87 persoas contaxiadas con coronavirus, o que supón que nas últimas 24 horas un total de 20 pacientes recibiron a alta epidemiolóxica.
Dos afectados, só 6 permanecen ingresados no Arquitecto Marcide, 3 de eles na UCI. Ademáis, tamén reduciuse o número de persoas activas en illamento domiciliario, pasando de 98 a 81 casos. Isto significa que xa hai 463 persoas nas comarcas de Ferrol, Eume e Ortegal que superaron o coronavirus.
Respecto do número de falecidos, tampouco se produciron novos falecementos relacionados co Covid nas últimas horas, polo que o número de vitimas mortais segue sendo de 33 persoas, das cales 3 morreron en centros de maiores e o resto nos hospitais de Ferrol.
