A Deputación da Coruña financiará a substitución da cuberta e o lucernario do CEIP O Marbán, no Concello de As Somozas. As obras, en licitación ata o 25 de maio, contan cun orzamento de 55.493,95 euros, achegados íntegramente pola institución provincial a través do Plan Único (POS+2019), e permitirán eliminar as goteiras e filtracións de auga que afectan ao interior deste centro escolar.
A cuberta actual será levantada e substituida por unha nova que permita unha correcta impermeabilización do inmoble. Tamén se substituirá o lucernario, que se atopa nun estado de deterioro importante, por un novo con estrutura de aluminio anodizado e policarbonato de 16 mm de espesor.
Aproveitaranse as obras para levar a cabo a limpeza e impermeabilización do canalón de fábrica existente. O prazo de execución é de un mes a partir do inicio dos traballos, polo que se prevé que a obra poda estar rematada para o inicio do vindeiro curso escolar.
