Os traballadores e traballadoras da recollida do lixo do Concello de Valdoviño están secundando unha folga para exixir das empresa concesionaria, FCC Medio Ambiente, que cumpra os pregos e respecte os dereitos laborais. O persoal non descarta iniciar unha folga indefinida no mes de agosto. A CIG-Servizos denunciou as presións que recibiron «tanto o delegado de persoal como o resto de compañeiros e compañeiras por parte da empresa, chegando incluso a ser ameazados con abrirlles expediente por participar da folga».
Pola súa banda, o Concello de Valdoviño condeou os actos vandálicos acontecidos ao longo das últimas xornadas e lamenta as molestias que ocasionou no conxunto da veciñanza. Colectores rotos, residuos esparcidos, neumáticos e lunas de vehículos danados foron algúns dos danos ocasionados
Por último, CIG-Servizos adiante que vai presentar denuncias contra a empresa Fomento Medio Ambiente ante a Inspección de Traballo por esquirolaxe e incumprimento da normativa laboral, tanto por facer dúas contratacións para cubrir ao persoal que participa na folga, como por modificar as quendas e horarios de traballo. «Estas prácticas mafiosas da empresa incluso chegaron ao punto de obrigar o persoal eventual a iniciar a xornada laboral fóra do seu centro de traballo, incumprindo así coa lexislación laboral establecida».
