O 112 alertou a primeira hora desta mañá dun accidente con persoas atrapadas no interior dun vehículo na estrada de Cedeira a Pereira, ao pasar a rotonda do polígono de Río do Pozo. O aviso rexistrouse ás 9.44 horas e ás 9.48 os bombeiros do Speis chegaron ao punto indicado, donde confirmaron que unha persoa está atrapada no interior dun vehículo, no que ían dous ocupantes, un home e unha muller, de entre 60 ou 70 anos. A persoa atrapada era a muller, que ía como acompañante do conductor do turismo.
Unha vez evaluada a situación por parte dos bombeiros e o estado do matrimonio afectado, procederon a estabilizar o vehículo co fin de evitar posibles movementos do mesmo durante os traballos e tamén se cortou a enerxía na batería. Debido á situación do turismo e valorado o nivel de atrapamento, os bombeiros realizan unha manobra de extracción por retirada de todo o lateral con ambas portas, unha acción que permitiu sacar á muller accidentada dunha forma rápida e segura.
Unha vez no exterior, a muller recibiu atención dos servizos sanitarios desprazados á zona, que a trasladan a un centro hospitalario para realizar unha evaluación posterior. O servizo contou coa intervención de Urxencias Sanitarias, da Policía Local de Narón e da Garda Civil para a regulación do tráfico na zona.
