O Speis de Narón tivo que actuar hoxe pola mañá nun incendio no tellado dunha vivenda anexa a unha casa unifamiliar no lugar dos Tortos, na parroquia de Doso. Ata alí desprazouse unha dotación con cinco efectivos e, unha vez no punto comprobaron que o lume procedía da parte alta da edificación. As labores de extinción prolongáronse durante algo máis de hora e media.
Unha vez extinguido os membros do Speis valoraron a estabilidade da estrutura e revisouse para valorar os danos ocasionados polo lume. Non houbo que lamentar danos persoais, só materiais. Os bombeiros realizaron tamén tarefas de ventilado e saneamento de pezas móbiles. Tamén se desprazou ata o lugar a Policía Local de Narón.
