O Concello de Pontedeume vén de rematar as obras de renovación da rede xeral de abastecemento de auga, ao seu paso por Nogueirosa.
As obras conlevaron a substitución dun tramo da actual conducción de fibrocemento duns 600 metros por outra de fundición, que abastece ao 80% do municipio e que debido ao estado de deterioro que presenta vén sufrindo constantes roturas nos últimos anos.
A obra estaba cofinanciada entre a Deputación e o Concello e contou cun orzamento de 231.250,01 euros. Xa se está a redactar o proxecto para a renovación dun novo tramo de rede. Con esta actuación, O Concello de Pontedeume leva investidos desde o ano 2015 na renovación e mellora da rede de abastecemento de auga preto dun millón de euros.
