A área sanitaria de Ferrol experimentou nas últimas 24 horas un leve descenso do número de casos activos por coronavirus, pasando de 20 a 18 persoas contaxiadas. Ademáis, tamén descendeu o número de doentes ingresados e, actualmente, só queda unha persoa con Covid-19 ingresada no Marcide.
Deste xeito, son un total de 562 os veciños da área sanitaria que xa superaron o virus e obtiveron a alta epidemiolóxica. Tampouco hai novedades respecto do número de falecidos. A última morte relacionada co Covid-19 foi o pasado 9 de maio, polo que as vítimas mortais seguen sendo 33 persoas entre centros de maiores e hospitais.
