Un total de 70 aspirantes presentaron a súa solicitude na convocatoria do Concello de Ferrol para a contratación de 45 socorristas durante a tempada de verán. Un deles desenvolverá as funcións de coordinador de praias e outros sete as de coordinador de caseta.
Unha vez revisada a documentación, os aspirantes poderán facer os exercicios na piscina o próximo xoves 18. Ao día seguinte, o venres 19, celebrarse a proba escrita para os que opten á praza de coordinador de praias e ás sete de responsable de casetas.
Unha vez concluído o prazo de presentación de solicitudes e a unha semana de comezar a proba de piscina e a escrita, o Concello de Ferrol está á espera de recibir a subvención da Xunta destinada á contratación de máis socorristas. O pasado ano dita axuda cubriu oito prazas, que se destinaron as praias da Graña e Caranza. Segundo explicou o edil de Seguridade, Germán Costoya, os profesionais que se contraten a través da subvención do goberno autonómico servirán para que se preste servizo nestas dúas praias.
