Tralo anuncio de que as instalación deportivas municipais cubertas continuarán pechadas durante o verán, a Concellería de Deportes de Fene informa hoxe da reapertura das instalacións deportivas ao aire libre. A medida afecta ás pistas polideportivas de Centieiras (Perlío), A Xunqueira (San Valentín), Fene, Limodre, Sillobre, Magalofes e Maniños, xunto coas pistas de atletismo do Pazo (Barallobre).
As instalacións deportivas ao aire libre do Concello de Fene poderán empregarse “sempre que os deportistas e demais usuarios das mesmas cumpran os requisitos e as normas básicas de seguridade establecidas polas autoridades sanitarias para previr os contaxios da COVID 19”, explican desde o Concello.
Ademais, sempre que sexa posible, “durante a práctica da actividade deportiva deberá manterse unha distancia de seguridade de dous metros” e, no caso de compartir material deportivo, “deberá ser desinfectado despois de cada uso”.
Para clubes de ligas non profesionais, os adestramento realizaranse sempre que sexa posible por turnos, evitando superar o cincuenta por cento da capacidad e que teña a instalación. Ademais, as sesións de adestramento non contarán coa presenza de persoal auxiliar, ninde utilleiros, reducíndose o persoal do centro de adestramento a o número mínimo suficiente para prestar o servizo. Poderán realizarse reunións técnicas de traballo cun máximo de vinte participantes.
