O Concello de Ferrol e Afundación van a poñer en marcha a partir de mañá, 1 de xullo, o programa social “Cubertos”, polo que se subministrarán 300 menús diarios, de luns a venres, a nenos da cidade que teñan beca, aos seus irmáns e a aqueles os Servizos Sociais estipulen. Tamén están incluídos un total de 17 menús a persoas maiores usuarios de comedores sénior en Ferrol e que seviron afectados polo seu peche como consecuencia da covid-19.
O programa posto en marcha por Afundación coa colaboración do Concello comeza mañá e alargarase ata o inicio do curso escolar, no mes de setembro. Os menús repartiranse de luns a venres, de 13.00 a 14.00 horas, no Edificio Social, na Casa Solidaria, no centro Carballo Calero e no centro cívico de Caranza.
A concelleira de Benestar Social quixo agradecer a Afundación o “gran xesto de xenerosidade e sensibilidade” do órgano con estes colectivos, “grandes afectados ao longo dunha crise sanitaria que se converteu en crise social e económica”. Gracias a esta iniciativa, lembra, “300 nenos e nenas e maiores de Ferrol van dispoñer dunha comida completa e saudable” os mais de dous meses de vacacións de verán, antes do inicio do curso, cando comecen de novo os comedores e as becas que pon en marcha o Concello de Ferrol e cuxo prazo de presentación de solicitudes para o curso 2020-2021 segue
aberto ata o 8 de xullo.
