O XVI Premio José Couso de Liberdade de Prensa xa está en posesión de Lorenzo Milá. A estatuiña Ás Ceibes de Manuel Patinha forma parte deste certame convocado polo Colexio Profesional de Xornalistas de Galicia e o Club de Prensa de Ferrol.
O mencionado premio viaxou dende Ferrol a Santiago e dende alí até a correspondencia da TVE en Roma, onde está a traballar o galardoado. O gañador Lorenzo Milá non puido vir debido á peculiar situación que estamos a vivir provocada pola crise sanitaria do COVID-19. Polo tanto a estatuiña percorreu o traxecto Ferrol-Santiago para terminar máis tarde na correspondencia da TVE en Roma.
Lorenzo Milá foi elixido como gañador do Premio Couso en votación aberta e secreta polos colexiados e colexiadas do CPXG e polos socios e socias do Club de Prensa. Milá competía nesta edición coa actual correspondente de Televisión Española en Asia-Pacífico, Mavi Doñate, e o recentemente cesado como director da Axencia Efe, Fernando Garea.
O Colexio Profesional de Xornalistas de Galicia e o Club de Prensa de Ferrol organizan o premio co obxectivo de recoñecer e difundir o traballo dunha persoa viva ou organización existente destacada na defensa da liberdade de prensa ou cunha salientable traxectoria profesional, libre e independente.
Discussion about this post