As confrarías de pescadores de Ferrol, Barallobre e Mugardos levan anos vendo como a producción das ameixas, o seu principal produto de venda, disminúe irremediablemente ante os seus ollos se saber exactamente cal era a causa. O saneamento da ría e outras medidas levadas a cabo non puxeron solución á perda irremediable desta especie que supón o sustento de preto de 600 familias na comarca.
Sen embargo, o informe encargado no ano 2018 ao Instituto Tecnolóxico para o Control do Medio Mariño en Galicia (Intecmar) e remitido recentemente á consellería do Mar revela a existencia dun patóxeno chamado perkinsus marinus na ría de Ferrol e que podería ser un dos principais motivos do problemas de reprodución das ameixas locais. Así o confirmou a conselleira Rosa Quintana tras unha reunión mantida cos representantes dos mariscadores da comarca para explicarlles os resultados deste informe.
«Este patóxeno afecta ao aparato reprodutor das ameixas e cremos que pode ser unha das causas que acredite a baixa producción que está tendo a ría de Ferrol nos últimos anos». A titular da Xunta asegurou ademáis que «con esto sería suficiente para decretar un cese de actividade», tal e como viñan reclamando os mariscadores desde fai meses.
Rosa Quintana tamén informou durante o encontro cos representantes dos pósitos que o outro estudo pendente, o encargado ao Centro de Estudos e Experimentación de Obras Públicas (Cedex) en 2018, dependente do Goberno central, aínda no está nin se quera tramitado. O organismo comprometérase á realización dun informe científico sobre o estado do fondo da ría de Ferrol, para perfilar as accións de rexeneración dos bancos marisqueiros.
