A área de normalización lingüística do Concello de Cabanas vén de anunciar as bases do IV Certame de Poesía e Microrrelato, un concurso literario que se enmarca na programación coa que Cabanas celebra o Día das Letras Galegas, que este ano conmemora a figura de Fernando Fernández del Riego.
O certame ten como principal obxectivo fomentar o uso e o prestixio da lingua galega, en calquera das súas normativas, a través da expresión artística e a creatividade. Como principal novidade, ademais da poesía, este ano o certame abre a porta este ano á creación de microrrelato, aumentando a catro o número de categorías.
Estas serán poesía infantil e xuvenil —até 17 anos, incluídos— ou adulta, a partir de 18 anos, e microrrelato infantil e microrrelato adulto, coa mesma división por idades.
Os premiosserán cestas de produtos de proximidade e as persoas interesadas en participar teñen de prazo até o próximo 14 de maio para facer chegar as súas obras, que deberán ser textos inéditos e integramente en lingua galega, a través do correo [email protected], seguindo as bases dispoñíbeis na web do Concello de Cabanas.
