A contorna da Sala Bahía será humanizará e ampliarase o patio de xogos da escola infantil A Galiña Azul en Foz. O Concello destina algo máis de 83.000 euros do Plan Único 2023 para este proxecto .
“Dispoñer dun espazo de encontro e dunha zona peonil de descanso para a Sala Bahía e a Galiña Azul”. Así define o alcalde de Foz, Fran Cajoto, o obxectivo da actuación proxectada, que “pretende poñer en valor o histórico edificio multiusos de Foz. Estamos a falar dun entorno a onde tódolos días se desprazan familias con pequechos e unha zona onde centos de persoas acoden a eventos que se celebran na Sala Bahía. Unha área de servizos moi importante que se completa coa estación de autobuses: cremos moi importante crear un espazo seguro, agradable, que facilite os movementos peonís e que ademais poña en valor un edificio tan emblemático como é a Sala Bahía.»
A concelleira de Cultura, Inés López Couto, destacaou que a Sala Bahía é un edificio histórico para Foz, que continúa tendo unha vida cultura ampla e acolle festivais, teatro ou eventos tan importantes como o Entroido de Foz. «Debemos seguir coidándoa para que estea nas mellores condicións. De calquera xeito imos seguir reclamando á Xunta de Galicia que colabore para dotar a Foz, o segundo concello da Mariña, do auditorio que tanto necesita”, explica Couto.
Por outra parte o alcalde explica que “na Galiña Azul temos un problema de espazo para os nenos: o patio de xogos ten unhas dimensións moi reducidas. Por iso, ante a falta de compromiso do Consorcio e as demandas da dirección da gardería e dos pais e nais do centro, decidímonos a investir fondos a amplialo. Coa modificación da porta de acceso á Sala Bahía -xa realizada nun proxecto anterior- e os traballos definidos imos gañar un novo patio de xogos exterior moi necesario no lateral da Galiña Azul. A gardería pasará dun patio de 117 a 188 metros cadrados, cun pavimento de caucho completamente renovado en toda a superficie”.
As obras inclúen unha nova situación dos cubos de lixo, a disposición de catro bancos e árbores ornamentais para crear un entorno agradable, transformarán en peonil o acceso da Galiña Azul e a Sala Bahía desde a Avenida de Viveiro. Novas canalizacións de pluviais, iluminación exterior con catro luminarias led de nova instalación e un firme de formigón impreso daranlle unha nova perspectiva a este espazo tan utilizado da vila.
