Viveiro pide solucións á Xunta polos cortes de luz derivados das obras de saneamento en Lavandeiras

O Concello pediu desculpas aos veciños da Lavandeiras e chamou a unha empresa eléctrica que poñía hoxe un trenzado provisional para intentar evitar os cortes

Imaxe do Concello de Viveiro

O Concello de Viveiro pediu desculpas aos veciños de Lavandeiras polos cortes de luz que se están a producir como consecuencia das obras para a mellora do saneamento e informa que se está a buscar unha solución cos responsables da empresa adxudicataria da Xunta, responsable desta actuación.

Dende o grupo de goberno se ten constancia dos cortes de luz que ven sufrindo á veciñanza derivado do manexo da maquinaria tanto á hora de instalar a tubaxe como nos movementos de terra no tanque de tormentas, pero informan que “o concello é totalmente alleo a súa execución”.

“Por parte do concello chamouse unha empresa eléctrica que xa tivo que acudir en varias ocasións a restablecer as liñas de luz. No dia de hoxe ían poñer un trenzado provisional para que deixe de suceder”, subliñan.

Salir de la versión móvil