A área sanitaria de Ferrol continúa na súa escala de casos de coronavirus desde o pasado sábado 10 de outubro ata situarse como a zona coa peor evolución de contaxios de Galicia. Nas últimas 24 horas o panorama apenas variou, con 6 novos casos confirmados por PCR e 5 altas epidemiolóxicas, o que deixa un total de 148 casos activos nas comarcas. Os concellos de Ferrol e Narón continúan en alerta lanranxa e vermella de risco, ao rexistrar nos últimos 7 días entre 36 e 76 casos por 100.000 habitantes na cidade departamental e máis de 21 casos no municipio naronés.
O aumento de casos nesta última semana tamén disparou o control e seguimento de contactos estreitos, polo que o día de onte produciuse o récord de probas PCR realizadas na área sanitaria desde o inicio da pandemia, con un total de 451, cando a media ata o de agora rondaba as 200. Con estas son xa 38.679 as probas realizadas aos veciños e veciñas das tres comarcas, que arroxan unha positividade dun 4,29%.
Pero quizais a evolución que máis preocupa agora nas comaras é a dos centros educativos, que sufriu un aumento significativo nas últimas dúas xornadas. Tanto é así que a área sanitaria de Ferrol xa acumula a maior porcentaxe de casos activos por coronavirus en centros escolares de Galicia, cun 14% do total de casos. Son 21 contaxios en total, repartidos en 17 centros de 8 concellos diferentes. Polo momento trátase de casos illados e non supuxo o peche de ningunha aula nin tampouco de ningún centro.
| LOCALIDADE | CENTRO | TOTAL POSITIVOS |
| AS PONTES | IES Moncho Valcarce | 1 |
| FENE | CEIP Plurilingüe de Centieiras | 1 |
| FENE | IES de Fene | 1 |
| FERROL | CPR Tirso de Molina | 1 |
| FERROL | CPR Plurilingüe Sagrado Corazón | 1 |
| FERROL | IES Sofia Casanova | 1 |
| FERROL | IES Concepcion Arenal | 4 |
| FERROL | EPAPU Santa María de Caranza | 1 |
| FERROL | CEIP de Esteiro | 1 |
| FERROL | CIFP Rodolfo Ucha Piñeiro | 1 |
| NARÓN | IES As Telleiras | 1 |
| NEDA | IES Fernando Esquío | 1 |
| ORTIGUEIRA | CEIP José María Lage | 1 |
| ORTIGUEIRA | IES de Ortigueira | 1 |
| PONTEDEUME | IES Breamo | 1 |
| VALDOVIÑO | CPI de Atios | 2 |
| PONTEDEUME | CPR Luís Vives | 1 |
| TOTAL | 21 | |
