Mergulladores da Armada Española pertencentes á Unidade de Mergullo de Ferrol (UBUFER), con base na Estación Naval da Graña levaron a cabo unha inmersión hai uns días en augas da ría de Ribadeo para realizar unha inspección de comprobación dos restos do galeón “San Giaccomo dei Galizia”, en coordinación co Servizo de Arqueoloxía da Xunta de Galicia.
O equipo de mergulladores localizou de maneira casual dúas pezas de barro, unha xerra e un ánfora. Tras un estudo e análise pormenorizado realizado por especialistas, estímase que estas dúas pezas poderían pertencer, no caso da xerra ao século XVI, mentres que o ánfora pertencería á cultura grega do século VI A.C.
A confirmación deste último achado, convertería este testemuño no obxecto máis antigo localizado no ámbito náutico, en todo o norte peninsular, coa importancia e transcendencia histórica e cultural que iso implica. Este achado, alleo ao propio galeón de Ribadeo, será incluído na Carta Arqueolóxica de Pecios da Armada (CAPA), acorde con Plan de Vixilancia e Protección do Patrimonio Arqueolóxico Mergullado, garantindo así o seu rexistro oficial e seguridade.
Discussion about this post