A Dirección Xeral de Saúde Pública informou dun importante descenso no número de casos activos por Covid-19 nas últimas 24 horas na área sanitaria de Ferrol. O número de casos activos descendeu máis dun 46% pasando de 65 persoas a 35 no día de hoxe. Isto supón que se deron 30 altas epidemiolóxicas durante a xornada do sábado.
Dos actuais contaxiados por coronavirus, dous están ingresados no hospital Arquitecto Marcide e 33 atópanse en illamento domiciliario. Isto supón que nas comarcas de Ferrol, Eume e Ortegal un otal de 525 persoas superaron xa o virus e gozan actualmente de inmunidade. Respecto do número de falecidos, non se rexistraron novas mortes relacionadas co Covid-19 desde o pasado día 9, polo que o total de vítimas mortais segue sendo de 33 persoas.
Discussion about this post