Como era de prever, e igual que sucedeu noutras cidades de Galicia e de Euskadi, o mitin de Vox estivo marcado pola polémica o os enfrontamentos, neste caso soamente verbais, entre os afíns ao partido de ultra dereita o os grupos autoproclamados antifascistas. Foron uns 150 simpatizantes os que se deron cita na praza de Ultramar para escoitar a unha das cabezas visibles do partido, o deputado no Congreso Iván Espinosa de los Monteros.
O mitin, que descurriu en clave local, comezou co deputado facendo alusións directas e burlas ao grupo dunhas cincuenta persoas que intentaban boicotear o acto con cánticos, apoupos, asubíos e gritos de “fora fascistas do noso barrio”. “Gracias por demostrarnos que sois vosotros los auténticos fascistas, que vuestros valores son inferiores a los nuestros y que no sois capaces de combatir con la palabra y por eso tenéis que recurrir a la violencia”, dixo Espinosa de los Monteros dirixíndose directamente a eles, entre os aplausos e gritos de “viva España” do resto de congregados na plaza de Ultramar.
O portavoz de Vox no Congreso apelou á naturaleza castrense de Ferrol e animou a ponteciala e a “facer gala” dela ao tempo que comprometeuse a reactivar a industria naval militar, o carbón ou a pesca na comarca “tralo abandono que sufriron estes sectores durante 40 anos por gobernos de esquerdas e dereitas”, dixo. “Non queren que unha cidade como Ferrol prospere”, asegurou.
O discurso de Espinosa de los Monteros xirou en torno á vontade do seu partido de recuperar “a liberdade para falar castelán nos colexios de Galicia” e recuperar os valores tradicionais da familia”. Os de Vox calificaron de novo ao PP de Feijóo como “la derechita cobarde” e aseguraron que eles non van actuar coa tibieza dos populares “fronte aos que queren destruir España e Galicia”.
