Os bulos sobre o Covid-19 son outra epidemia. Se nas primeiras semanas da pandemia circularon por redes sociais e Whatsapp informacións sobre posibles curas e falsidades sobre como se contaxia, nos últimos días os bulos centráronse nos rebrotes, que, aínda que se están a dar de forma puntual nalgunhas zonas do país, non están afectando ás comarcas de Ferrol, Eume e Ortegal.
Nos últimos días as redes sociais cumpliron a súa peor función e serviron para propagar que nalgún municipio da zona, como Cedeira ou Ares, onde a afluencia de veraneantes é maior, estábanse a dar rebrotes de novos contaxios e alertaban de que se poderían adoptar novas medidas de confinamento neses municipios. En ambos casos se atribuía o novo brote a unhas familias chegadas de Madrid, supostamente infectadas con coronavirus e, incluso, chegouse a falarse de novos falecidos á causa do Covid nas comarcas.
Todo é radicalmente falso tal e como explican desde o Servizo Galego de Saúde e como refrendan os datos emitidos a diario pola Dirección Xeral de Saúde Público. O área de Ferrol non só non está a sufrir ningún rebrote, senón que ten o ratio de contaxios por 100.000 habitantes máis baixo de Galicia. Actualmente son 11 os casos detectados e todos eles están en illamento doméstico con sintomatoloxía leve. De feito, non hai casos hospitalizados desde fai case vinte días e as UCI levan máis dun mes sen doentes graves. O último falecemento relacionado co Covid-19 deuse o 9 de maio.
Pero o morbo e o ánimo de alarmar as veces pode máis que a contundencia das cifras e os rumores e bulos exténdense polos pobos, sobre todo polas vilas pequenas, e poden xeran gran alarma entre os veciños. O propio alcalde de Cedeira, Pablo Moreda, tivo que sair ao paso deste bulo advertindo nas súas redes sociais que todo era falso e que non existía ningunha familia madrileña que chegara infectada á vila cedeiresa e propagara o virus.
Ante esta situación, desde os Concellos piden ao seus veciños e veciñas prudencia e, sobre todo, sentido común á hora de consumir estas informacións. Aseguran que poden facer moito dano tanto social como económicamente e xerar unha alarma innecesaria entre a poboación. Aínda con todo, insisten en que non hai que baixar a garda e piden seguir mantendo as medidas de seguridade e hixiene recomendadas polas autoridades sanitarias para que os bulos sigan sendo bulos.
