A pesar do crecemento progresivo que a segunda onda de contaxios de coronavirus estaba a rexistrar na área Sanitaria de Ferrol, ésta era ata onte a única de toda Galicia que non tiña doentes na UCI. Sen embargo nas últimas 24 horas produciuse o primeiro ingreso na unidade de coidados intensivos desde o mes de maio. En total, son 7 as persoas hospitalizadas a día de hoxe polo Covid-19 no Arquitecto Marcide.
O número de casos activos baixou de 186 a 182 xa que se detectaron 5 novos casos, pero se deron 9 altas epidemiolóxicas que doentes que lograron superar o virus. Desde o inicio da crise sanitaria, nas comarcas de Ferrol, Eume e Ortegal houbo un total de 759 casos, entre os activos e curados. Ademáis os falecidos ata agora son 33.
Son xa preto de 30.000 as PCR realizadas dentro de Plan de Detección Temperá do CHUF, cunha taxa de positividade do 4%. Estanse realizando case 200 probas diarias, tanto aos doentes que teñen algún síntoma compatible co Covid ou a aqueles que teñen que somerterse algún procedemento médico ou cirúrxico. As PCR realízanse tanto no Marcide como no punto móbil do Novoa Santos e mesmo a domicilio.
Discussion about this post