A piscina municipal descuberta de Bastavales iniciará a súa campaña de verán o vindeiro 1 de xullo e permanecerá aberta ata o 31 de agosto, ofrecendo un espazo de lecer e baño durante os dous meses centrais do verán. A instalación abrirá todos os días da semana, en horario de 16.00 a 21.00 horas.
Pases diarios e abonos de tempada
As persoas usuarias poderán acceder á piscina mediante un pase diario, que se adquirirá directamente na instalación e terá validez para unha única xornada. O seu prezo será de 0,60 euros para menores de 14 anos e de 1,20 euros para maiores desa idade.
Tamén estará dispoñible un pase de tempada, válido para todo o período estival, que poderá solicitarse na Casa da Cultura. Neste caso, o custo será de 6 euros para menores de 14 anos e de 12 euros para maiores de 14.
As persoas interesadas en obter máis información poden dirixirse ao servizo municipal de Deportes da Casa da Cultura ou contactar no teléfono 981 50 99 08.
