A Asociación de Veciños de San Xoán de Laíño de Dodro organiza o vindeiro sábado 26 de novembro en Dodro o Festival Folclórico 2022, no que se fará unha homenaxe especial a Tomás do Rego, «O Gaiteiro de Bexo», quen leva máis de sesenta anos tocando a gaita e foi un mestre para toda unha xeración de grupos da comarca. Fundador de «Aires da Nosa Terra» de Laíño, co que tocou en festas e certames folclóricos de todo o país, tamén colabouro con grupos das comarcas do Sar e de Arousa.
A celebración comezará ás 18:00 horas no Local Social do Montiño, en Imo, onde estarán os grupos Aires do Río Vello, Os Centenarios, Xodra, Os Liantes, Chorima, Os Mersenarios e, para rematar, o grupo da asociación de veciños, Foliada do Montiño.
Dende a Asociación de Veciños de San Xoán de Laíño convidan a toda a veciñanza da comarca a este festival, que rematará cunha foliada libre e con pinchos para tódolos asistentes.
