A Selección Española xógase este mércores, 2 de xullo, o pase aos oitavos de final do Mundial e Santiago de Compostela xa se prepara para vivilo nas rúas. O Concello instalará pantallas xigantes para que afeccionados e visitantes poidan seguir os encontros nun ambiente festivo, unha iniciativa que, con todo, chega envolta en polémica. Varios usuarios en redes sociais denuncian a decisión do concello de trasladar a ubicación de Praza Roxa -a ubicación clásica para este tipo de encontros deportivos- á Praza de Pontevedra. Unha denuncia á que a oposición non tardou en sumarse.
Pantalla xigante para ver á Selección
Aínda que o partido España – Austria deste xoves ás 21.00 poderá verse a traves da televisión pública, Teledeporte, RTVE Play, La 2 Cat, DAZN Mundial e a aplicación de DAZN, a capital galega quere darlle ós seus veciños á oportunidade de velo na rúa e poder disfrutar do posible paso da selección de De la Fuente a oitavos de final.
De feito, esta proposta foi a máis votada dentro do proceso dos Orzamentos Participativos que se levaron a cabo entre febreiro e marzo, onde os composteláns elixiron o Mundial por diante do ciclo de cine ao aire libre e un festival de cultura urbana.
Aínda que era habitual ver os partidos de fútbol na Praza Roxa, este ano o Concello trasladou o encontro á Praza da Constitución, ao carón do Parlamento de Galicia. Ademais, xa teñen programada unha pantalla no parque das Cancelas para o próximo 6 de xullo en caso de conseguir á vitoria fronte aos austriacos.
E como novidade, este ano o festival Go!Go!Zo! no Monte do Gozo instalará unha pantalla para ver o encontro das seleccións, e non so iso, senón que tamén haber DJ e unha animación previa ao evento.
Unha ubicación elixida baixo a polémica
Con todo -e a pesar da iniciativa municipal- a instalación das pantallas nestes novos rincóns da cidade non chegou sen polémica, xa que varios usuarios en redes sociais criticaron a decisión do cambio de ubicación, xa que -ata agora- a Praza Roxa da cidade sempre acollía as pantallas xigantes para os eventos deportivos.
Ás queixas, uniuse a oposición. O portavoz do PP no Concello de Santiago, Borja Verea, asegurou no Mediodía da COPE que a elección do goberno de Goretti busca acantoar o encontro da Selección. O portavoz acusa así á alcaldía de «vivir noutra realidade» e de «non conectar coa cidade».
Mais Santiago de Compostela non é a única cidade onde Mundial xerou polémica. Vigo estivo estes últimos días baixo a incertidumbre pola proposta do seu alcalde, Abel Caballero. No marco dos concertos en Castrelos, hoxe 2 de xullo está prevista a actuación do grupo de rock Deep Purple para as 22.00 horas. Ante isto, o alcalde non dubidou en propoñerlle á banda se podían retrasar unha hora o concerto para poder desfrutar de ambos eventos cunha pantalla xigante de por medio. Finalmente, a proposta quedou en nada e o Concello de Vigo anunciou hoxe que Deep Purple actuará no seu horario previsto, ao non obter resposta por parte da banda.
