O Ministerio para a Transición Ecolóxica e o Reto Demográfico ( MITECO) acolleu hoxe a terceira reunión trimestral da Mesa de Transición das Pontes, o órgano que reúne a representantes do MITECO, a Xunta de Galicia, o Concello das Pontes de García Rodríguez, a Asociación empresarial das Pontes, os sindicatos e a compañía, Endesa, que comprometeuse a darlle unha alternativa de futuro ao complexo eléctrico pontés “con cautela e á espera de coñecer os resultados das probas de hibridación de combustibles que se van a levar a cabo durante o mes de xullo na térmica das Pontes, a condición de que estes arroxen datos favorables”
Os membros da Mesa de Transición Enerxética das Pontes solicitaron, de novo, o firme compromiso de empresa co mantemento do emprego vinculado para establecer unha vía de diálogo cos traballadores e traballadoras das empresas auxiliares así como cos transportistas para achegar claridade ás súas situacións.
Neste sentido, a próxima semana está previsto que o Ministerio de Transición Ecolóxica, a Xunta de Galicia, o Concello das Pontes e a Asociación de transportistas do Carbón das Pontes manteñan unha reunión para buscar unha solución urxente ao problema de financiamento que ten o colectivo de transportistas nestes momentos.
A este respecto, o Ministerio anunciou unha liña de 7 millóns de euros da Fundación Ciudad da Enerxia (CIUDEN), ao que As Pontes pódese presentar. Segundo anunciaron desde o Goberno, aumentarase ao 50% a porcentaxe de participación de axuda da Administración Xeral do Estado para que se poida dar solucións de urxencia. Na mesma liña están a valorarse vías de financiamento adicionais para este mesmo 2020.
Pola sús banda, o conselleiro de Economía, Emprego e Industria, Francisco Conde, lamentou a falta de avances tras a última reunión no mes de marzo na que se pedira un plan de acompañamento para que Endesa reactivara a planta mentres se buscaban combustibles alternativos. Neste sentido, a Xunta acusou tanto al Goberno central como á propia empresa de «falta de interese» para atopar alternativas e poñer sobre a mesa novas propostas.
