A candidata á Presidencia, Ana Pontón, aproveitou o acto do BNG nas Pontes para comprometerse cun «proceso de industralización igual ao que se está facendo noutros países como é o caso de Alemaña, cun plan plurianual para as comarcas afectadas pola transición enerxética dotado de recursos e negociado con todas as partes implicadas». A nacionalista acusou ao Goberno da Xunta e do Estado de «pasividade» ante o anuncio do peche de Endesa nunca comarca «impactada de cheo pola desertización industrial».
A líder do Bloque dixo destacou que o Estado español vai recibir 140.000 millóns de euros da Unión Europea, “e Galiza precisa ter un goberno que defenda os seus intereses para que reciba a parte que lle corresponde dese fondo e só o BNG pode facelo fronte a unhas forzas estatais que se moven entre a confrontación partidista e submisión».
Pontón tamén aproveitou o acto aberto coa militancia e co veciñanza das Pontes para enviar todo o seu apoio as persoas que están hoxe nas rúas en defensa doutro modelo de servizos sociais, deixando claro que un goberno liderado polo BNG vai facer do coidado dos maiores e das persoas máis vulnerables unha cuestión prioritaria da súa acción política. Igualmente, a líder nacionalista volveu expresar a súa preocupación polo feito de que a Xunta non teña protocolo concreto e definido de como actuar ante un posible rebrote.
Solo empresarial para a comarca
O cabeza de lista pola Coruña, Xosé Luís Rivas, calificou a situación que vive As Pontes de «agravio» e preguntouse porqué Galicia non entra nos plans de descarbonización, “e porqué nin o goberno central nin o galego lle esixen á empresa, Endesa, agora en mans italianas tras sen unha empresa pública, un plan alternativo para a central das Pontes”.
Igualmente, Rivas fixo referencia a necesidade de solo empresarial no concello e na comarca. “É de caixón: se queremos traer empresas para este concello, para esta comarca, terán que ter un sitio onde ubicarse. Pois o PP en once anos non foi capaz de poñer en marcha nin un só metro cadrado de solo empresarial nesta área. O BNG insistiu en que «porase mans á obra para crear solo industrial nesta comarca, só hai que querer facer as cousas, buscar solucións, porque desde a inacción política nada se consigue”.
