A xunta de goberno local do Concello das Pontes aprobou a licitación das obras de mellora do abastecemento na rúa Cabañas. O proxecto, cun orzamento base de licitación de 47.092,66 euros, con cargo ao Fondo de Compensación Ambiental e permitirá renovar a rede de abastecemento da zona urbana.
A intervención forma parte do plan de renovación de infraestruturas municipais programadas polo grupo de goberno, «que xunto con outros proxectos de mellora da iluminación e a eficiencia enerxética e outros servizos e instalacións públicas, permitirá mellorar a calidade de vida da veciñanza», explicaron desde o goberno local.
Entre os traballos previstos atópase a reposición da actual liña de fibrocemento que descorre pola marxe exquerda da rúa, substituindo a canalización por una nova liña en tubos de fundición, con características técnicas e sanitarias adaptadas á normativa vixente. Asemade, procederase á reposición do pavimento, tanto de beirarrúa coma de calzada.
