Esta semana realizouse a primeira revisión e reposición de atraínte nas trampas colocadas polo Concello de Cabanas en todas as parroquias do termo municipal de Cabanas. A concelleira responsábel da área de servizos, Eva García, valorou positivamente esta primeira revisión «nesta primeira fase obtívéronse moi bos resultados, cun total de 298 raíñas capturadas»
Desde o Concello de Cabanas recoméndase a toda a veciñanza que continúen a colocar trampas caseiras nas súas hortas, fincas e xardíns. «A experiencia destes anos lévanos a recomendar que as froiteiras e as camelias seguen a ser os lugares máis axeitados para a súa colocación», comentou Eva García, quen tamén indicou que «as mixturas caseiras, como as de cervexa e viño, son as que mellores resultados dan á hora de atraer á vepa velutina cara as trampas».
