O Concello de Cabanas organiza o Xantar de Fin de Ano, un evento festivo destinado a toda a veciñanza do concello, no que se combinará o xantar cunha actuación musical.
Dito xantar terá lugar o venres 27 de decembro ás 14.30h no Pavillón de Lavandeira e terá un prezo de 25 € por persoa. Aquela xente interesada en apuntarse debe facelo chamando ao 981 495 959 ou de forma presencial nas dependencias do Concello até as 14h do día 23.
O menú está composto por entrantes variados (empanada artesá do mar; milfolla de filloa rechea de verduriñas e lombos de bonito; cruxiente de xouba marinada, crema de queixo e marmelada de tomate; chupa chups de queixo con chourizo do Courel, croquetiñas de marisco con punto de alioli; paelliñas de arroz cego), un prato principal (xarrete de tenreira e pataca asada), un sobremesa (tarta milfolla) e adega (viño branco e tinto, auga, refrescos, vermouth e cervexa).
Tamén se pode solicitar unha alternativa vegana ou adaptada a necesidades derivadas de alerxias ou intolerencias.