O Concello de Pontedeume anima ás súas veciñas e veciños a partir deste venres 3 de xullo e ata o domingo 5 do mesmo mes a adornar fiestras e balcóns, coincidindo coas datas de celebración do Feirón Medieval dos Andrade.
O Feirón Medieval dos Andrade é unha das citas do verán máis esperadas pero debido á súa gran afluencia de público este ano tivo que ser suspendida, co fin de poder cumprir coas medidas de prevención necesarias para facer fronte á crise sanitaria ocasionada pola COVID-19.
Esta festa tradicional comezou no ano 2010 como iniciativa das anteriores asociacións e comisións do Feirón dos Andrado, ata que no 2018 o Concello tomou o relevo na organización da mesma. E desde este mesmo Concello de Pontedeume queren intentar manter a ilusión e alegría que o Feirón Medieval dos Andrade aporta a cidade. «Enche a vila de postos de artesanía, obradoiros, teatro, actuacións musicais, cabaleiros, malabaristas, campesiñas e campesiños irmandiños, engalanándose para retroceder ata os seus orixes medievais”, lembran desde a área de Cultura.
