Un PMUS é unha ferramenta básica para a planificación e a toma de decisións en torno á mobilidade no concello pensada para favorecer o desenvolvemento rexenerativo das áreas habitadas. O seu obxectivo básico é atopar, entre todas, maneiras de mellorar a mobilidade no concello centrándose en tres ideas: buscando a sustentabilidade -ecolóxica, social e económica-, facer máis eficiente o sistema de desprazamentos no concello e facilitar hábitos de mobilidade máis saudables e máis respectuosos co medio ambiente.
Colaboración cidadá
Debido a esto, a administración local de Pontedeume, ademais de levar a cabo unha análise exhaustiva dos movementos circulatorios no concello e dos posibles problemas de movilidade que se atopen, queren pedir a colaboración do municipio mediante unha enquisa para obter información e opinións vitais á hora de elaborar o PMUS. Pódese acceder á mencionada enquisa online no seguinte ligazón dende hoxe 17 de agosto ao 17 de setembro: https://www.cognitoforms.com/PlanificacionTEC/PMUSPONTEDEUME
A maiores desta ampliación da información de maneira telemática, dende a casa consistorial avanzaron que se realizarán distintos actos de participación nos que se recollerá tamén a opinión da veciñanza. Esta participación facilita a redacción dun plan máis realista e adaptado ás necesidades das persoas que habitan Pontedeume, pois a poboación é a maior coñecedora dos problemas e virtudes do concello, así como dos hábitos de mobilidade e de uso do espazo público.
