O Concello de Pontedeume informou aos veciños que a empresa Viaqua está a realizar obras de reparación da rede de abastecemento e saneamento. Estes traballos impedirán a circulación habitual de vehículos na contorna da praza de San Roque, coñecida como Praza da Calzada.
Concretamente, a rúa corredoira das Virtudes estará cortada ao tráfico, exceptuado o acceso a garaxes. No caso da rúa Empedrado, esta estará restrinxida a vehículos tipo turismo ou motocicletas, que só poderán acceder ata a intersección coa rúa Fontenova. O tramo final da rúa resérvase exclusivamente para residentes.
Ademais, o tráfico restrinxirase a vehículos tipo de turismo ou motocicletas, xa que os vehículos de maior tamaño, como camións, non poden manobrar polas seguintes rúas: Empedrado, avenida de Raxoi, San Agustín, Plaza de las Angustias, Tahona e Fontenova.
Por último, para facilitar o acceso, a avenida de Raxoi cambiará de sentido de circulación: accedendo pola Alameda, continuarase pola rúa San Agustín ata a rúa Tahona, continuando pola Fontenova ata a rúa San Miguel e a Praza do Conde.
O Concello pediu desculpas polas posibles molestias que estas modificacións do tráfico produzan á veciñanza.