Dentro das actividades polo Samaín que organiza o Concello de Pontedeume, unha das máis esperadas é o concurso de disfraces, que se realizará nesta ocasión en colaboración cos establecementos de hostalaría da vila. Todos os establecementos que desexen participan poden inscribirse ata o mércores 26 de outubro no rexistro municipal ou a través da sede electrónica.
Será durante a propia noite do sábado 29 de outubro, noite de Samaín, cando as persoas caracterizadas para a ocasión poden recoller a súa tarxeta de participación no concurso. Estableceranse tres categorías: individual, por parella ou por grupo. Os establecementos de hostalaría colaboradores neste Samaín serán os encargados de realizar a valoración en función da creatividade, maquillaxe, esforzo de elaboración e posta en escena.
O reconto das puntuacións será o domingo día 30 e daranse a coñecer os disfraces gañadores que terán como agasalloo a estancia dunha fin de semana para dúas persoas para os vencedores na categoría individual ou de parella, e dunha cea na categoría grupal. Durante os vindeiros días anunciarase o listado de establecementos que participan neste concurso de Samaín así como as instrucións para as persoas que desexen participar.
