Un total de dez axentes en prácticas incorporaranse á comisaría do Corpo Nacional de Policía de Ferrol a partir da próxima semana. O período de prácticas é a fase final do proceso selectivo, constituíndo o módulo final do mesmo, tras superarse as probas da oposición e o curso selectivo na Escola Nacional de Policía de Ávila.
Durante a fase de prácticas, os inspectores e os policías en prácticas obterán o nivel de profesionalización requirido para o desenvolvemento das funcións propias da categoría de policía.
Para iso, durante eses período prestarán servizo nas brigadas de seguridade cidadá, policía xudicial, estranxeiría e fronteiras, policía científica e información, así como na oficina de denuncias.
