Os datos deste mércores 26 de agosto parece que arroxan algo de esperanza na contorna de Ferrolterra nesta segunda onda que estase a vivir. As últimas cifras amosan que o número de novos casos reduciuse a 4 nun so día, contando con sete casos recuperados que sitúan á área de Ferrol nun total de 115 contaxios, supoñendo unha pequena baixada dende que o 29 de xullo detectárase un novo positivo que levantara todas as alarmas.
Ademais, a pesar de que onte coñecíase ao primeiro paciente ingresado pola Covid-19 na área sanitaria de Ferrolterra nesta segunda onda, hoxe mesmo a cifra de hospitalizados volve a estar a cero, atopándose os 115 casos actuais nos seus respectivos domicilios.
Ata o de agora o número de probas PCR realizadas polo complexo hospitalario de Ferrol é de aproximadamente 24.490 tras a realización dun total de 270 nas últimas 24 horas. Cabe destacar que na última semana tan só un 3,3% das persoas sometidas ás probas arroxaron un resultado positivo, sendo esta a segunda porcentaxe máis baixa de Galicia por detrás de Lugo. A maiores tamén se está a facer un rastreo exhaustivo de todos aqueles veciñas e veciñas que tiveron contacto cos novos contaxiados para evitar a propagación continuada do virus e continuar con esta curva descendente
