O coronavirus avanza de forma preocupante na área sanitaria de Ferrol e, especialmente nos concellos de Ferrol e Narón, que se atopan en alerta laranxa (de 36 a 76 casos por 100.000 habitantes) e vermella (máis de 21 casos), respectivamente. Tamén o veciño municipio de Fene leva dous días en alerta amerela (entre 7 a 14 casos nos últimos sete días).
A día de hoxe son 147 os casos activos por Covid-19 na área de Ferrol, 39 que o mércores da pasada semana. Nas últimas 24 horas se confirmaron 17 novos casos por coronavirus e se produciron 6 altas epidemiolóxicas. Os ingresados no Marcide con dificultades respiratorias son 5, os mesmos que onte. En total, son 1.221 os veciños e veciñas de Ferrolterra, Eume e Ortegal contaxiados desde o inicio da pandemia, dos que 1.040 xa lograron superar o virus.
Estas cifras colocan á área sanitaria de Ferrol coa peor evolución de contaxios de Galicia, cunha razón de taxas de 1,98. Este indicador úsase para marcar a evolución dos casos: se vale máis que 1 é que a incidencia e maior cada vez; se é igual que 1 é que a incidencia é igual; e se vale menos que 1 é que descende. Neste caso, a área roza case o 2, fronte ao 1,27 da media galega. Esta cociente obtense comparando a taxa de incidencia acumulada en 14 días actual coa de hai unha semana, polo que no caso de Ferrol é case do doble.
