A alcaldesa e o concelleiro de Seguridade Cidadá participaron esta mañá do venres 17 de xullo xunto co xefe da Policía Local no acto de recepción dun novo vehículo para a sección de Obras e Medio Ambiente da Policía Local de Narón. O modelo adquirido polo Concello, un Toyota Land Rover, sumarase a outro vehículo que utilizaba o persoal do servizo, un Nissan Qashqai. O novo vehículo procurará reforzar o traballo que realizan dende a Policía Local na área de Medio ambiente.
Así mesmo, as prestacións do Land Rover 4×4 farán posible poder acceder a camiños dificultosos ou a zonas de monte ás que ata agora había que chegar coa axuda dun vehículo con similares prestacións do Speis de Narón para poder realizar os pertinentes informes.