O delegado da Xunta na Coruña, Gonzalo Trenor comprobou a utilidade da orden de axudas do Fondo de Compensación Ambiental que lle permitiu a renovación de todas as luminarias, por focos led máis eficientes, na AC-566 cunha axuda da orde de Compensación Ambiental da Vicepresidencia Primeira e Consellería de Presidencia, Xustiza Turismo. Esta actuación, xunto con varias accións de limpeza e recuperación de espazos naturais do Concello, contaron cunha achega da Xunta de máis de 33.000 euros.
Durante a visita o delegado da Xunta na Coruña informou que a través das ordes do Fondo de Compensación Ambiental e de Infraestruturas repartiuse máis dun millón de euros en 18 proxectos na comarca de Ferrol nos concellos de Ares, A Capela, Cariño, Cedeira, Ferrol, Cabanas, Fene, Mugardos, Narón, Neda, Valdoviño, Mañón, Monfero, Ortigueira, As Pontes, San Sadurniño, As Somozas e Valdoviño..
Trenor destacou que “estas axudas son posibles grazas á aprobación, en 2009 da lei, pola que se regula o aproveitamento eólico en Galicia e se crea o canon eólico e o Fondo de Compensación Ambiental xa que antes os concellos non percibían nada polos muíños de produción de enerxía eléctrica instalados no seu territorio”.
O delegado da Xunta puntualizou que “estas axudas van a destinadas a financiar iniciativas orientadas á conservación da biodiversidade, ao impulso da eficiencia, ao uso sostible das enerxías renovables e á restauración e reposición do medio ambiente e reequilibrio territorial, polo que son de gran utilidade para os concellos”.
FONDO COMPENSACIÓN AMBIENTAL
| CONCELLO | OUTROS CONCELLOS | PROXECTO | IMPORTE CONCEDIDO |
| Ares | Mellora da eficiencia enerxética e da rede de saneamento da rúa Herma | 30.306,67 | |
| Capela, A | Obras de reparación na edar das Neves | 13.592,26 | |
| Cariño | Funcionamento dos servizos adicados ao medio ambiente e o espazo natural | 54.369,04 | |
| Cedeira | Actuación de mellora de eficiencia enerxética e de protección do ambiente e do espazo natural | 88.496,20 | |
| Ferrol | Vixilancia ambiental no concello de Ferrol | 9.253,53 | |
| Mancomunidade de concellos da comarca de Ferrol | Ares, Cabanas, Cedeira, Fene, Ferrol, Mugardos, Narón, Neda, Valdoviño | Servizo mancomunado de xestión de residuos voluminosos | 30.000,00 |
| Mañón | Actuacións de protección do ambiente e do espazo natural | 91.049,65 | |
| Monfero | Proxecto de realización de investimentos e actuacións de protección medio ambientais no concello de Monfero 2020 | 32.891,50 | |
| Ortigueira | Actuacións adecuadas aos criterios do fondo de compensación ambiental. Anualidade 2020 | 164.273,37 | |
| Pontes, As | Vehículo eléctrico, substitución do sistema de bombeo para mellora de eficiencia enerxética e rendemento do sistema de abastecemento | 244.726,01 | |
| San Sadurniño | Rede de abastecemento de auga no Camiño Arriba | 34.127,16 | |
| Somozas, As | Actuacións fondo de compensación ambiental 2020 | 111.214,75 | |
| Valdoviño | Conservación, mantemento e restauración do ambiente e reequilibrio territorial-anualidade 2020 | 23.477,54 | |
| Valdoviño | Protección, conservación e potenciación do medio ambiente e dos seus espazos naturais-anualidade 2020 | 10.000,00 | |
| TOTAL | 937.777,68 | ||
ORDE DE INFRAESTRUTURAS
| ENTIDADE SOLICITANTE |
PROXECTO | SUBVENCIÓN |
| Mañón | Dotación de equipamento para centro formativo de desempregados | 9.365,36 |
| Mugardos | Dotación de equipamento dos vestiarios e sala anexa do pavillón deportivo do Cristo | 27.973,57 |
| Pontes de García Rodríguez, As | Rehabilitación de cuberta e fachada en ximnasio de CEIP A Magdalena | 33.400,14 |
| Vilarmaior | Aglomerado de vial Coruxo | 32.045,90 |
| TOTAL | 102.784,97 | |
