Esta mañá o concelleiro de Urbanismo, Julián Reina, acudiu a Serantes para reunirse con varios representantes da asociación veciñal a estrada de acceso ao cemiterio, o cal experimentará unhas necesarias reformas dende a próxima semana.
O vindeiro luns 28 de setembro comezará unha obra que significará unha importante mellora da seguridade viaria, xa que o tramo que discorre dende a rotonda do centro de saúde vaise dotar de beirarrúas. Esta actuación, xunto coa que a Deputación ten previsto levar a cabo proximamente na avenida 19 de Febreiro implicará unha importante transformación na zona, que pasará a contar cos espazos para peóns que os residentes veñen reclamando dende hai anos.
Durante a visita, o concelleiro recolleu diferentes propostas dos veciños respecto do proxecto de beirarrúas e tamén unha serie de melloras no entorno do centro de saúde e as vivendas situadas tras el.
