As obras de amplición e reforma levadas a cabo nos hospitais Naval e Arquitecto Marcide seguen avanzando a bo ritmo. Estas actuacións, que conta cun investimento de 56 millóns de euros, forman parte do Plan Director da Xunta para a área sanitaria de Ferrol.
Reformas no Arquitecto Marcide e no Naval
A 1ª fase desta remodelación no Arquitecto Marcide ten como obxectivos a construción de dous novos edificios anexos á residencia, o cal lle permitirá incrementar ao centro hospitalario ata en un 54% a súa superficie hospitalaria actual. As tarefas de escavación e sostemento están xa moi avanzadas.
Na actualidade, os traballos nas dependencias de farmacia e microbiología no Hospital Naval así como nas obras do hospital de día manteñen un moi bo ritmo ao igual que o Marcide.
Finalmente, estas actuacións en ambos centros hospitalarios ferroláns están á par coas comezadas o anterior mes de agosto, as que pretendían mellorar o firme nos accesos aos hospitais Naval e Marcide e ao Nóvoa Santos. O investimento empregado nestas obras de acondicionamento supoñen un investimento de 200.000 euros e dispoñen dun prazo de execución de 5 meses.
