Ferrolterra volve rexistrar un importe incremento no número de positivos por coronavirus no seu área de influencia. A cifra que manexa o Sergas a día de hoxe é de 49 casos confirmados de Covid-19; once máis que os contabilizados onte, mércoles, que ascendían a 38.
Ademáis, dase a circunstancia de que por primeira vez dende que comezou a crise sanitaria, hai máis pacientes ingresados que na súa casa. Deste xeito, do total de infectados, 19 están en casa baixo vixilancia sanitaria e 30 nos hospitais. Destes últimos, 8 están en UCI e 22 en planta. A este casos hai que sumar os cinco falecementos rexistrados no área sanitaria de Ferrol dende o pasado domingo.
Respecto a este aumento significativo no número de infectados, cabe recordar que o pasado luns deron comezo os test dende o coche no hospital Novoa Santos o que aumentou significativamente o número de persoas controladas na comarca. Ademáis, onte na localidade de Ortigueira detectouse un foco de contaxio que xa afectara a cinco persoas e tiña a varias familias en alerta.
En Galicia, o número de casos ascende a 1.832, deles 438 son da área da Coruña, 128 da de Lugo, 231 da de Ourense, 222 da de Pontevedra, 462 da área de Vigo e 302 da de Santiago.