O Ministerio de Defensa publicou un total de 3.500 prazas, correspondentes ao Segundo Ciclo de Selección da convocatoria de 2020 de acceso á condición de Militar de Tropa e Mariñeiría. En concreto ofértanse 2.375 prazas para o Exército de Terra, 525 para a Armada e 600 para o Exército do Aire.
Das 525 prazas ofertadas para a Armada, 86 corresponden a especialidades do Corpo Xeral con destinos na zona norte (Ferrol, Tui, Marín, San Sebastián. Bilbao), 20 prazas para o Terzo Norte, unha para a especialidade de música -trompeta- para o Terzo Norte e unha para a especialidade de música -tuba- para Marín. O persoal que consiga obter algunha destas prazas presentarase na Escola correspondente o 11 de xaneiro do 2021 para iniciar o seu proceso de adaptación e formación.
Entre os requisitos que se esixen, os aspirantes deberán ter entre 18 e 28 anos, e posuír como mínimo o título de graduado en Educación Secundaria Obrigatoria -ESO-.
Poderase solicitar cita previa para participar no proceso selectivo ata o 2 de marzo inclusive, nas oficinas do Organismo de Apoio ao Persoal -OAP- en Ferrol -primeiro piso do edificio de Herrerías-, na Subdelegación de Defensa da Coruña, ou na súa oficina delegada en Ferrol na Rúa Cuntis. Igualmente e sempre que estea dispoñible, a cita previa poderase solicitar por vía telefónica no número 902432100 ou 913089798, ou a través da páxina web do Ministerio de Defensa www.reclutamiento.defensa.gob.es
Achega do Organismo de Apoio ao Persoal
A misión dos OAP no seu ámbito territorial, é a de proporcionar apoio aos membros das Unidades da Armada e ás súas familias, facilitar as tarefas administrativas do citado persoal, do que está na reserva ou retirado, así como levar a cabo actividades relacionadas co Recrutamento.
