O emprego nas comarcas de Ferrol, Eume e Ortegal comeza a recuperarse trala debacle sofrida no mes de abril onde se perderon máis de 1.100 postos de traballos. Segundo os datos do Servizo Público de Emprego Estatal, xuño foi o tercer mes consecutivo con datos positivos e supuxo a creación de 455 novos empregos no conxunto dos concellos.
Na comarca de Ferrol o descenso foi de 358 parados (un -3,07%), no Eume houbo en xuño 69 demandantes de emprego menos (-4,99%) e en Ortegal o paro baixou un 28 persoas (-4,11%). En total, ao peche do mes de xuño, as tres comarcas suman 13.287 desempregados, aínda lonxe dos 12.100 parados que había no mes de marzo, xusto antes do Estado de Alarma.
Boa parte da recuperación dos empregos deuse no sector servizos, onde se recuperaron máis de 200 postos de traballos no último mes, aínda que tamén notouse un aumento nas contratacións na construcción, con 160 parados menos, e na industria, con algo máis de 130 novos traballadores.
Os datos aportados polo SEPE seguen sendo moi negativos se os comparamos co mes de xuño do pasado ano. A taxa interanual castiaga á comarca de Ferrol con 1.518 parados máis que hai un ano, no Eume son 262 desempregados máis que no mesmo mes de 2019 e no Ortegal son 108 máis.
