O área sanitaria de Ferrol vén mantendo unha tendencia á baixa no número de casos activos por Covid-19 e de feito está próxima a ser a primeira declarada libre deste virus. Sen embargo nas últimas 24 horas detectouse un novo positivo nas comarcas.
É o único caso activo rexistrado nestes momentos e atópase en illamento no seu domicilio. Son xa 584 os doentes que superaron o coronavirus e obtiveron xa a altra domiciliaria. O CHUF segue con seu plan de detección temperá do Covid e continúa realizando probas diarias, coas que xa se acadan case as 16.000, tanto no Marcide, como no punto móbil do Novoa Santos e a domicilio.