A área sanitaria de Ferrol continúa a súa tendencia á baixa no número de casos activos por coronavirus. A última actualización ofrecida polo Sergas contabiliza un total de 13 persoas contaxiadas, unha menos que onte e sete menos que hai unha semana.
Do total de activos só un doente permanece hospitalizado no Arquitecto Marcide e os 12 casos activos restantes atópanse nos seus domicilios. Son xa 567 as persoas que superaron o virus nas comarcas de Ferrol, Eume e Ortegal e que recibiron a alta epidemiolóxica. Respecto ao número de falecidos, son 33 as vítimas mortais relacionadas co Covid. A última morte ocorreu o pasado 9 de maio.
Ata o día de hoxe o CHUF leva realizadas 12.202 probas PCR tanto no Arquitecto Marcide, como no punto fixo do Novoa Santos e a domicilio. Só un 5% dos casos deron positivos nas probas.
