A comarca de Ferrolterra está a sufrir un aumento imparable de casos de Covid, o cal sitúa a varios dos concellos en altos niveis de risco según os parámetros do Sergas. As dúas grandes cidades da comarca, Ferrol e Narón, que suman 100.000 habitantes, atópanse en nivel de alerta vermello, o máximo segundo os criterios de Sanidade. No caso de Ferrol, entrou hoxe neste nivel 3 ao superar os 76 casos por 100.000 habitantes na última semana e no caso de Narón, ao tratarse dun municipio de menos de 50.000 veciños, tamén se atopa neste nivel 3 ao rexistrar máis de 21 casos nos últimos sete días.
O tercer gran concello da comarca, Fene, leva cinco días en alerta laranxa ou nivel 2 ao acumular entre 14 e 21 casos na incidencia acumulada dos últimos sete días. E o mesmo ocorre cos concellos de Neda e de Cedeira, que entrou hoxe de novo no nivel amarelo.
No Eume a situación tamén empeorou nestas últimas xornadas. Pontedeume leva tres días en nivel 1, ou amarelo, ao terse detectada unha incidencia acumulada na última semana de entre 7 e 14 casos e o municipio de As Pontes, entrou tamén hoxe neste nivel de alerta.
Os 58 novos contaxios detectados por PCR nas últimas 24 hora, e que sitúa o total de contaxios en 329, supoñen case un récord. Según os datos do propio Sergas, os pasados 27 e 30 de marzo diagnosticáronse 59 e 57 casos, respectivamente. Pero é importante lembrar que neses momentos o número de probas PCR diarias apenas chegaban a 100, mentres que actualmente se están facendo en torno a 250 e 350 ao día, polo que é sinxelo deducir que a incidencia real nos meses de marzo e abril era moito maio. É dicir, a positividade das probas PCR actualmente é dun 11%, mentras que na primavera superaba o 35%.
Menor incidencia hospitalaria
De feito, aínda que a situación hospitalaria actual é algo máis precaria que a principios de mes, está lonxe das cifras da primeira onda. Por exemplo, o 1 de abril, con 219 casos activos diagnosticados en toda área sanitaria, o número de hospitalizados era de 55 persoas e a Unidade de Coidados Intesivos (UCI) tiña a 15 persoas en situación grave. Hoxe, con 110 casos activos máis que entón, son 16 os ingresados no Marcide e 3 os doentes que están na UCI cun pronóstico máis grave.
Os datos da Dirección Xeral de Saúde Pública contabilizan na área sanitaria de Ferrol un total de 1.458 contaxiados desde o inicio da pandemia, dos cales 1.093 xa superaron o virus e 36 faleceron. Tres destas vítimas a causa do Covid-19 perderon a vida durante este mes de outubro.
