Axentes adscritos á Comisaría do Corpo Nacional de Policía de Ferrol-Narón, procederon á detención dun individuo, home, natural da Illa de Arousa, por tráfico de estupefacientes. Según explicou o propio CNP, froito dun dos dispositivos conxuntos, establecidos por parte da Brigada Local de Seguridade Cidadá e de Policía Xudicial de prevención da delincuencia, detectaron a presenza dunha furgoneta entrando na zona de Ferrol, a cal foi interceptada.
Durante a entrevista co conductor, os policías observaron que na parte traseira da mesma había cordas e outros útiles, motivo polo cal os axentes realizaron unha inspección profunda do vehículo no lugar de intercepción, localizando, tras uns minutos, uns paquetes de cor amarela de cuxa existencia e contido non sabía dar conta o individuo.
Ante a evidencia para os axentes por todas as circunstancias xa descritas que estes paquetes contiñan substancias estupefacientes, proceron á detención do individuo, que foi trasladado a dependencias policiais. Tralos análises, concluíuse que coa droga incautada confeccionaríanse un total dunhas trinta e cinco mil doses, cun valor aproximado de máis de catrocentos mil euros.
Tras realizar as dilixencias oportunas, o detido foi posto ao dispor do Xulgado de Instrución de Garda dos de Ferrol que decretou o ingreso en prisión provisional do detido.
