Doniños, San Xurxo, Esmelle e A Fragata volverán contar este ano con bandeiras azuis ondeando nos seus areais. As catro praias de mar aberto foron galardoadas un ano máis con este distintivo que concede a asociación de Educación Ambiental e do Consumidor –Adeac–, sección española da Federación Europea de Educación Ambiental, e que basea a súa entrega non só na calidade das augas e da area, senón tamén nos servizos que se prestan.
As praias ferrolás serán, con todo, as únicas que contarán este ano con bandeiras azuis. No caso de Valdoviño, o Concello xa non se expuxo nos últimos dous anos a súa solicitude ante a Adeac, polo que renunciou desde un principio ás bandeiras azuis. En anteriores anos obtiveran o galardón A Frouxeira, Baleo, Meirás, Pantín e Vilarrube.
No caso de Ortigueira, tampouco solicitara este ano a distinción para a de Morouzos, normalmente con bandera azul, e Mañón nesta ocasión non conseguiu o recoñecemento para as praias de Bares e Esteiro.
